Kaixo kuadrilla
Amaitu da zuen ibilbidea San Andres eskolan. Urte pilo bat egon zarete bertan,
oroitzapen mordoa, ikaragarrizko lagunak, gogoan izango dituzuen momento asko…
Irakasle pila bat
pasa dituzue, irteera desberdinak, proiektuak… Txikiak zinetela hasi zineten
eta neska/ mutil heldu bilakatu zarete. Harremanak, baloreak, errespetua,
elkarbizitza, hezkidetza… zer diren ikasi dituzue eta plazer bat izan da
guretzat zuek ezagutzea eta zuen bidelagun izatea.
Amets berriak
bizitzeko unea iritsi da, zaindu dezagun geure burua eta zaindu ingurukoak. Ametsak
betetzea da bizitza hau interesgarri egiten duena. Hartu ardurak, rutinak bete,
mobilaren erabilera murriztu, gogotsu hartu, saiatu… eta zorterik onena opa
dizuegu etapa berri honetan.
Eskerrik asko
bihotz bihotzez, asko maite zaituztegulako eta faltan botako zaituztegulako.
IZAN ZORIONTSU
ETA GOZATU BIZITZAZ!
Zuen irakasleak,
Bi mila ta zortzikoa
gaur agurtzen zaituguna
Urte pilo bat eskolan
denok ikasi deguna
Ez dugu inoiz ahaztuko
sortu den elkartasuna
Momentu ederrengatik
topa aupa gaurko eguna
Amets berrien bideak
dakargun alaitasuna
Onena opa dizugu
bihotzez etorkizuna
Zaindu zazue zuena
zaindu alboko laguna
Ez ahaztu bizitakoa ta
besarkada bat kuttuna.
No hay comentarios:
Publicar un comentario